पछिल्ला वर्षमा सवारीसाधनको बजार विस्तार हुँदै जाँदा अटोमोबाइल मेकानिक्स तथा यससम्बन्धी तालीम लिनेहरूको सङ्ख्या पनि ह्वात्तै बढेको छ । अटोमोबाइल इञ्जिनीयरिङको साधारण तालीम लिएर विदेश जानेदेखि आपैm मर्मत केन्द्र खोल्ने तथा यसै विषयमा उच्च अध्ययन गर्नेहरू पनि प्रशस्तै छन् । उनीहरूलाई नै लक्षित गरी सरल र बोधगम्य भाषामा लेखिएको ‘अटोमोबाइल टेक्नोलोजी’ बजारमा आएको छ । अटोमोबाइल प्रशिक्षक क्षेत्रबहादुर थापाले लेखेको यो पुस्तकले अदक्ष तथा अर्धदक्ष अटोमेकानिकलाई पूर्णदक्ष बनाउन सहयोग गर्नसक्ने देखिन्छ ।
नेपालमा प्राविधिक शिक्षा तथा व्यावसायिक तालीमका पुस्तक कमै पाइन्छन् । त्यसमा पनि नेपाली भाषामै लेखिएका पुस्तकको त झन ठूलै अभाव छ । त्यसैले ‘अटोमोबाइल टेक्नोलोजी’ले यस विषयमा अध्ययन तथा तालीम लिइरहेका विद्यार्थीलाई नेपाली भाषामा नै स्तरीय सहयोगी सामाग्री उपलब्ध गराएको लेखक बताउँछन् । ३ खण्ड र ७० अध्यायमा विभाजित पुस्तकमा अटोमोबाइलको इतिहासदेखि औजार, उपकरण, इञ्जिन, थर्मोडाइनामिक्स, इन्धन, च्याचिस, विद्युत्, मोटरलगायतको जानकारी समेटिएको छ ।
गाडीका हरेक महत्वपूर्ण भाग तथा पार्ट्सका बारेमा सचित्र व्याख्या गरिएकाले सामान्य शिक्षा लिएका व्यक्तिका लागि पनि पुस्तक उपयोगी बनेको छ । उदाहरणका लागि ६ ओटै प्रकारका स्टेरिङ गेयर बक्सको चित्र तथा तिनका विभिन्न भागको नामावलीसमेत पुस्तकमा दिइएको छ । त्यत्ति मात्र होइन गाडीका विभिन्न भागको सर्भिसिङ तालिका पनि प्रस्तुत गरिएको छ । यसबाट निजी सवारीधनीले पनि आप्mनो गाडीको उचित स्याहार गर्ने ज्ञान पाउन सक्नेछन् । पुस्तकमा चुम्बक, ट्रान्सफर्मर, मोटरजस्ता विषयको सैद्धान्तिक जानकारी सरल भाषामा दिइएको छ ।
त्यत्ति मात्र होइन, थापाले अटोमोबाइलका क्षेत्रमा विकास भएका एसी प्रणाली, सेण्टर लकिङ, एण्टी लकिङ ब्रेक, हाइब्रिड कार र यूरो मापदण्डजस्ता पछिल्ला प्रविधिको पनि विस्तृतरूपमा वर्णन गरेका छन् । पुस्तकको अन्त्यमा गाडीमा देखिने सामान्य समस्या, तिनको लक्षण अनि कारण र समाधान प्रस्तुत गरिएको छ ।
नेपाल आर्मी, युनिफिललगायत संस्थामा प्राविधिज्ञ, पेरोडुवा र विजय मोटर्समा वर्कशप म्यानेजर, सानोठिमी प्राविधिक शिक्षालयका अतिथि प्रशिक्षकका साथै युगोस्लाभिया तथा विभिन्न अफ्रिकी मुलुकमा वर्कशप इञ्चार्ज र ट्रान्सपोर्ट म्यानेजरको जिम्मेवारी बहन गरिसकेका थापाले आप्mनो अनुभवले पनि पुस्तकलाई ज्यादै समृद्ध बनाएका छन् । ३ सय ६६ पृष्ठको यस पुस्तकको मूल्य ६ सय रुपैयाँ रहेको छ ।
January 19, 2015 Published in Aarthik Abhiyan Daily
No comments:
Post a Comment