तपाईंको एटीएम पिन कोड के राख्नु भएको छ ? यदि पिन कोडमा आप्mनो जन्ममिति वा सजिला अङ्क राख्नु भएको छ भने सावधान । चोरले तपाईंको पासवर्ड क्रयाक गर्ने संभावना बढी हुन्छ । डाटा जेनेटिक्स नामक तथ्याङ्क विश्लेषण गर्ने अमेरिकी संस्थाले गरेको अध्ययनले साङ्ख्यिक अनुक्रम भएका पिन कोड पत्ता लगाउन बढी सजिलो हुने पत्ता लगाएको छ । चार अङ्कका पासवर्डमध्ये झण्डै २० प्रतिशत ‘१२३४’, ‘११११’, ‘००००’ जस्ता सजिला रहेको उक्त अध्ययनले देखाएको छ ।
‘१९’ बाट शुरु हुने चार अङ्कको समूहले ८० प्रतिशतभन्दा बढी लोकप्रियता कमाएको छ । त्यसमध्ये १९०० भन्दा माथिका सङ्ख्याको कोड प्रयोग गर्ने मानिस सबैभन्दा बढी छन् । शुरुका अङ्क ‘०१’ र ‘१२’ भएका र अन्तीममा ‘०१’ र ‘३१’ भएका पिनकोडहरु पनि धेरैले प्रयोग गरेको पत्ता लागेको छ । त्यसैले आप्mनो जन्मदिन, जन्म वर्ष वा अरु धेरै मानिसको जन्मदिन वा जन्म वर्ष हुन सक्ने सङ्ख्याको प्रयोग गर्नुभयो भने अरुले तपाईंको पासवर्ड सजिलै अनुमान लगाउन सक्छन् ।
त्यसोभए सबैभन्दा कमले प्रयोग गरेको कोड के होला भन्ने तर्पाईंलाई खुल्दुली लाग्यो होला । त्यो नम्बर हो, ‘८०६८’ जुन शून्य दशमलव ००१ प्रतिशतले मात्र प्रयोग गरेका छन् । सबैभन्दा कम प्रयोग भएका पाँच पिनकोडमा ‘८०९३’, ‘९६२९’, ‘६८३५’ र ‘७६३७’ रहेका छन् ।
विगतका वर्षहरुमा चोरिएका ३४ लाख पासवर्डको डाटाबेसको विश्लेषण गरी डाटा जेनेटिक्सले यस्तो निष्कर्ष सार्वजनिक गरको हो । तीमध्ये अधिकांश सङ्ख्या वेवसाइटको पावसवर्ड थिए । तर, चार अङ्कका सङ्ख्याबाट बनेका पासवर्डलाई विशेषरुपमा अध्ययन गर्दा अनुसन्धानकर्ताहरुले एटीएम पिनकोड पनि सजिलै चोरिन सक्ने पत्ता लगाएका हुन् ।
मानिसहरुले बिजोरको तुलनामा जोर सङ्ख्यालाई बढी प्राथमिकता दिएको पनि अध्ययनको निष्कर्ष छ । त्यसैले ‘२४६८’ को प्रयोग गर्नेहरुको सङ्ख्या ‘१३५७’ प्रयोग गर्नेको भन्दा बढी छ । अधिकांश पासवर्ड १ बाट शुरु हुने तथा दोस्रो र तेस्रोमा ० र २ को प्रयोग सबैभन्दा बढी हुने अध्ययनले देखाएको छ । सात अङ्कको पासवर्डमा चौथो बढी लोकप्रिय ‘८६७५३०९’ रहेको छ जुन सन् १९८० को दशकको अङ्ग्रेजी गितका प्mयानहरुका लागि परिचितजस्तै लाग्न सक्छ ।
